Do les 20.00 sunse gnüs cherdá por n medefüch tla strada Colz. Les prömes informaziuns n’ê nia tleres; al parô che ara se tratass de n medefüch te na cianoa. Canche i sun rová sön le post sunse gnüs mená te na gran ciasa de lus cun almanco döes alzades te tera. Tratan le pröm suralüch unse odü che al gnô flames fora dl funz de n local davert. An ne capî nia ciamó sce ara se tratâ de n medefüch superfizial o sce les flames piâ ia dales cianoes. Do che i un albü metü man de destodé le füch unse capí che le medefüch ê superfizial y che al ê gaujé da n cabl che se scialdâ y che â impié n funz de lignan. Implü n’unse tl pröm nia podü te ciasa porvia che ara n’ê nia abitada. Le verdaciasa nes á spo porté les tles insciö da podëi controlé le raiun interessé dal medefüch. Ala fin unse capí che le dann ê limité, ince sce la spordüda y la tëma che ara se tratass de n gran medefüch ê stada grana. Sön le post él ince rové adalerch la Crusc Blancia y i Carabiniers. Tratan l’intervënt sunse gnüs daidá dai colegs de San Ciascian y de Badia.

 
Zruch