Danmisdé á le patrun dl lüch tla Strada Funtanacia cherdé le comandant di destödafüch ciodiche al s’â svilupé föm tla cianoa de süa ciasa. Le comandant á atira alarmé tres funch düc i destödafüch. Sön le post nes él gnü splighé che al ê bonamënter sté na mascinn da lavé guant che â pié füch. I un atira metü man de destodé cun n destodadú. Dedô él gnü porté fora alaleria la mascinn da lavé y lascé ite aria tl local.