Dales 17:00 sunse gnüs cherda sön la strada che da Altin porta sön Piz La Ila a gauja de n’auto jü fora de strada y slizié ca. 150 metri jö pur n pre. A la fin s’a l’auto archité a curtel sö pur n lëgn. Rova sön le post dl inzidënt ê la persona plö ferida dlungia auto adüm ai coleghs dla Crusc Blancia. Ince ai atri trëi jogn feris in modo lisier ti gnel dè assistënza. Sön le post el atira dedô ruvé i stüdafüch de Badia che à arjigné ca la condüta dal ega y valgügn “Feuerlöscher”. Valgügn menüc’ dedô ruva ince sön le post l joler dl Aiüt Alpin cun l dutur de emergënza. Chësc ti à dè le prümes cures y à stabilisé le paziënt in modo da podëi le jorè tl ospedal da Balsan. A la fin unse trat sö l’auto y romenè sö l post dl inizidënt. Sön le post è ince rüva i mëmbri dl aiüt alpin Alta Badia y i Carabinieri. L’intervënt á doré cina dô les set. 

Articul sön Südtirol Online