Püch dalunc dal post olache al ê sozedü i inzidënc di ultims dis él rot fora n medefüch. Bonamënter porvia che al gnô lauré te bosch ál pié füch impröma sö por na para. La gran sëcia á fat a na manira che le medefüch se slariass fora y rovass cina sö dal ur dl bosch y che i pröms lëgn piass füch. Al é atira sté tler che ara jô ma da destodé le füch cun l’aiüt dl joler. L’intervënt á doré dales 11.15 ales 17.00 ca. Dedô él ma plü gnü fat de pici laurs da destodé y tigní verda. I sun gnüs daidá dai destödafüch da Corvara y Calfosch.