Danmisdé se â n colegh intenü che al gnô tröp föm fora de n ciamin. Al ti l’á lascé alsavëi al comandant che á spo organisé n control tla ciasa. Al mëteman êl da odëi de mëndres flames che gnô fora de ciamin. Atira él gnü alarmé ince i destödafüch da San Ciascian. Canche i sun rová sön le post ê la situaziun sot a control. Le ciamin è gnü controlé n pez y dedô unse tosc indô podü s’un jí.